اسلام آباد۔6جولائی(اے پی پی):پاکستان ھک واری ول بھارتی حکومت توں مطالبہ کیتے جو او بھارت دے غیر قانونی طور تے زیر قبضہ جموں و کشمیر اچ شہریاں دے ماورائے عدالت قتل دا خاتمہ کرے اتے کشمیری عوام دے خلاف طاقت دے اندھا دھند استعمال توں باز رہے۔ دفتر خارجہ دی ترجمان ممتاز زہرہ بلوچ خمیس کوں پریس بریفنگ اچ آکھیے ایں عید تے بھارت دے غیر قانونی طور تے زیر قبضہ جموں و کشمیر اچ ساݙے بھیݨ بھراواں کوں ھک واری ول عید دیاں خوشیاں اچ شرکت توں روک ݙتا ڳئے ۔ انہاں آکھیے قابض حکام سرینگر دی تاریخی جامع مسیت تے مرکزی عیدگاہ اچ نماز عید دی ادائیگی تے پابندی لاݙتی، جامعہ مسجد دے مہتمم اتے ممتاز کشمیری رہنما میر واعظ عمر فاروق اگست 2019 توں مسلسل گھر اچ نظر بند ہن تے او 200 توں ودھ ہفتے توں جامع مسجد اچ جمعہ دے اجتماعات توں خطاب نی کرسڳیے ، ترجمان آکھیے اساں بھارتی حکام تے زور ݙیندوں جو میر واعظ عمر فاروق کوں رہا کیتا ونڄے تے کشمیریاں تے لاتیاں ڳیاں انہاں پابندیاں کوں ختم کیتا ونجے تے جیڑھے انہاں کوں آزادی نال اپݨے مذہب تے عمل کرݨ توں روکیندن ۔ ترجمان آکھیے ا??وکے ہفتے اساں کشمیری نینگر رہنما برہان مظفر وانی کوں وی یاد کریندوں ، جنہاں دی ستویں برسی 8 جولائی کوں منائی ویسی ۔ برہان وانی انہاں سینکڑاں کشمیری نینگراں اچوں ھک ہئی جیڑھا جو بھارتی قابض فوج دے ہتھوں ماورائے عدالت قتل دا نشانہ ب??یے ۔
.jpg)
