تربیلا۔12اگست (اے پی پی):وزیراعظم عمران خان 807 ملین ڈالر لاگت دے تربیلا 5 توسیعی پن بجلی منصوبہ (ٹی۔ 5 )دا سنگ بنیاد رکھ ݙتے، منصوبہ دی تکمیل نال تربیلا ڈیم دی بجلی دی پیداواری استعداد 4 ہزار 888 میگاواٹ توں و??ھ تے 6 ہزار 418 میگاواٹ تھی ویسی ، وزیراعظم عمران خان موجودہ حکومت دے وژن ’’عشرہ ڈیمز 28۔2018 ‘‘دے تحت تربیلا 5 توسیعی منصوبے دا سنگ بنیاد رکھیا۔ اے منصوبہ 2024 تئیں مکمل تھیسی تے عالمی بینک 390 ملین ڈالر جݙاں جو ایشیئن انفراسٹرکچر انویسٹمنٹ بینک (اے آئی آئی بی) 300 ملین امریکی ڈالر ݙیندے پئن ۔ وزیراعظم کوں ایں موقع تے چیئرمین واٹر اینڈ پاور ڈویلپمنٹ اتھارٹی (واپڈا) لیفٹیننٹ جنرل (ر) مزمل حسین منصوبے تے تفصیلی بریفنگ ݙتی۔ بریفنگ اچ وزیراعظم کوں ݙسایا ڳیا جو ٹی۔5 ہائیڈرو پاور پراجیکٹ توں ڈیم اچ مٹی بھرݨ دے مسئلے دے حل دے ذریعے تربیلا ڈیم دی زندگی ودھ ویسی تے آبپاشی سانگے پاݨی دی فراہمی اچ وی بہتری آسی ، وزیراعظم کوں ݙسایا ڳئے جو منصوبے توں 1530 میگاواٹ سستی اتے ماحول دوست بجلی پیدا تھیسی۔ ٹی ۔5 منصوبہ دی تکمیل توں تربیلا ڈیم دی بجلی دی پیداواری استعداد 4888 میگاواٹ توں و??ھ تے 6418 میگاواٹ تھی ویسی ، منصوبے دے تعمیراتی مرحلے اچ تقریباً ترائے ہزار لوکاں کوں روزگار دا موقع ملسی، وزیراعظم ایں موقع تے چیڑھ دا ٻوٹا وی لاتا۔ سپیکر قومی اسمبلی اسد قیصر ، وفاقی وزیر اقتصادی امور عمر ایوب خان ، وفاقی وزیر آبی وسائل چوہدری مونس الٰہی ، وزیر مملکت اطلاعات و نش??یات فرخ حبیب ، گورنر خیبرپختونخواشاہ فرمان اتے وزیراعلیٰ محمود خان وی ایں موقع تے موجود ہن۔
