وزیراعظم عمران خان نال فیس بک دی چیف آپریٹنگ آفیسر شیرائل سینڈ برگ دی ورچوئل میٹنگ

اسلام آباد۔9اکتوبر (اے پی پ??) وزیراعظم عمران خان نال فیس بک دی چیف آپریٹنگ آفیسر (سی اواو)شیرائل سینڈ برگ ورچوئل میٹنگ کی??ی اے ۔ایں موقع تے پاکستان اچ فیس بک دی سرمایہ کاری اتے لٹریسی دے اقدامات کوں ڈیجیٹلائز کرنڑ سمیت کووڈ19-دے حوالے نلا اشتراک کار تے گال مہاڑ کیتی گئی ۔وزیراعظم آفس دے میڈیا ونگ توں جاری بیان موجب وزیراعظم عمران خان پاکستان اچ فیس بک دی سرمایہ کاری دا خیر مقدم کیتا تے آکھیا جو کمپنی سرمایہ کاری ودھاوے ۔ انہاں ڈیجیٹل پلیٹ فارمز دی حیثیت کوں تسلیم کریندے ہوئیں آکھیا جو فیس بک سویں بئے ڈیجیٹل پلیٹ فارمز پاکستانی نینگراں تے اداریں کوں بین الاقوامی موقع توں فائدہ چاونڑ ا?? اہم کردار ادا کرسگدن تے اے ادارے لوکاں کوں غربت توں کڈھنڑ ا?? معاون ثابت تھی سگدن ۔وزیر اعظم عمران کان بین الاقوامی سطح تے نفرت ات?? انتہا پسندی دے ودھدے رجحان تے تشویش دا اظہار کریندے ہوئیں آکھیے جو نفرت تے مبنی گال مہاڑ تے خطابات دی آن لائن نشریا?? دے خلاف جنگ ہک اہم مسئلہ اے ایں موقع تے فیس بک دی سرمایہ کاری اتے اجوکے سال پاکستان اچ مستحق طالب علماں کیتے وظیفے دے حوالے نال وی تبادلہ خیال کیتا گیا ۔ورچوئل میٹنگ اچ فیس بک دے عطیہ خون دے حوالے نال اقدامات تے وی گال مہاڑ کیتی گئی ۔ پاکستان اچ فیس بک دی عطیہ خون دی سہول?? دے اجرا دے بعد توں ہنڑ تئیں 50 لکھ توں ودھ لوک سائن اپ کرچکن ۔ایں موقع تے پاکستان کوں پولیو توں پاک کرنڑ دے حکوم??ی اقدامات اچ فیس بک دی معاونت تے وی گال مہاڑ کیتی گئی ۔2019اچ فیس بک ‘ انفارمیشن ٹیکنالوجی دی وزار?? دے نال شراکت دار ہئی جیں دا مقصد پاکستان اچ مقامی سٹارٹ اپ کوں تحقیقی لیبز اتے سٹارٹ اپس سرکل پروگرا مز اچ معاونت ڈیونڑ اے ۔اے شراکت داری ہنڑ تئیں وی جاری اے تے ایندے تحت ورچوئل ورکشاپ دے ذریعے پاکستان اچ سٹارٹ اپس دی نگرانی کیتی ویندی پئی اے ۔وزیراعظم عمران خان اتے شیرائل سینڈ برگ فیس بک دے ”شی مینز بزنس پروگرام“ تے وی گال مہاڑ کیتی جیں دے تحت پاکستان وچ تقریباً 6700تریمتاں کوں تربیت ڈتی ویندی پئی اے ۔ورچوئل ملاقات اچ فیس بک دے نائب صدر برائے گلوبل افیئرز اینڈ کمیونیکیشنز نک کلگ‘پاکستان اچ فیس بک دے پبلک پالیسی دے سربراہ صارم عزیز دے علاوہ ڈیجیٹل میڈیا بارے وزیراعظم دے فوکل پرسن ڈاکٹر ارسلان خالد وی شرکت کیتی۔واضح رہے جو وزیراعظم عمران خان اتے شیرائل سینڈ برگ اجوکے سال جنوری اچ ڈیوس سوئٹزر لینڈ وچ ملاقات کیتی ہئی۔